بعد اذن اخى Crypto حابب اشرحها اكتر للاخ السائل ... التعدين كل فتره بيزيد صعوبه التعدين .اعتقد عارف معنى صعوبه التعدين . فى بدايات التعدين من زمن كان صعوبه التعدين بسيطه فكان كل واحد بنسبه الهاش اللى بيعدن بيها يقدر يعدن لوحده والنوع ده من التعدين اللى هو كل واحد يعدن لوحده لغايه ميلاقى البلوك لوحده اسمه solo طبعا بعد الزياده فى صعوبه التعدين جدا فبقى صعب على اصحاب الهاش ريت القليل انهم يعدنو لوحدهم ويلاقو بلوك فمن هنا اتعمل حاجه اسمها التعدين الجماعى ومجمعات التعدين .... يعنى موقع يجمع الهاش بتاعى اللى بعدن بيه على الهاش بتاعك على كل الناس اللى بتعدن ويجمعهم فيبقى المجموع الكلى هاش ريت كبير جدا يقدر يكتشف البلوك والكل يكسب ...
لما حضرتك بتعدن فى مجمع تعدين بينتج عن تعدينك شير بيوصل لمجمع التعدين . عدد الشيرات دى بتختلف طبعا من واحد بيعدن بهاش بسيط عن واحد بيعدن بهاش اكبر ... فلما الموقع يديك الربح بتاعك على حسب عدد الشير اللى وصله منك ده بيتسمى pps .
اما لو الموقع قلك استنى ياعم الحاج مش هديك ربح غير لما نلاقى البلوك الاول ونوزعه كل واحد على حسب نسبه الشير بتاعته فده بيتسمى pplns .
اتمنى اكون قدرت اوصل المعلومه لحضرتك .
بالتوفيق ان شاء الله