المنجنيق ( جمعها: مجانيق أو مناجنيق أو منجنيقات أو مجانق أو منجنوقات ). سلاح من اسلحة الحصار فى الحروب زمان.
و هو مكنه بترمى الحجاره على القلاع و المدن المتحاصره و اسوارها و براجها. الكلمه أصلها فارسى معناها " أنا ما أجودنى ". استخدمها المماليك و الصليبيين و المغول فى حروبهم و كانو بيدو للمنجنيق أسامى زى " جار السؤ " أو " التيران السوده ".
المنجنيقات كانت ليها أنواع و أشكال كتيره. استخدم السلطان الأشرف خليل منجنيقات ضخمه و قويه فى حصار عكا سنة 1291 و كان منها منجنيق ضخم اسمه " المنصورى ".