كلمات اغنية سكر بعشرق في الحلق
بتكسر الدنيا الخلق
يالمعتا البتوج برق
اوبين علي
سكر بعشرق في الحلق
منو الدناها وماغرق
نارية نجضت الخلق
الدقّ سدرو وقال بعوم
الموج كفا وجبدو العرق
بُقّاقة بُقة لظا ولهيب
ياحبة العنب الزبيب
انا قلبي مضروب ريدتها
وهي قليبها ضاربو الهمبريب
البت دي قصة كلام برا
انا جوفي ولع وانهري
مرضتني جسمي كفا انبري
ياالله جازي الجنزرا
من يومو مابستاهلة
ومسحورة ياكافي البلا
البت دي امارات تحفة وقمر
مااااابدعة نان هي جنس حلا!!!
انا اوب علي وانا وكر علي
قولوا التقولوا وتااااني حي
الأُسدِ تقتالها الآرام و دي نهاية
الببرالو غي
قدري الدلقني علي الصغار
رغم الفهم سلبوا الوقار
الشافعة ورتني العجب
قمرة ونجم عز النهار
البت دي قطعة وسكرة
في اي زول مستخسرة
يانعة ورشيقة مضمرة
لو بي مرادي انمّرا
يامنجي من هول قِلتها
مانعة وشديدة مسلطة
ياريتني فكرة براودها
وفي قلبي قاااااااعدة موهطة